Mellt iech un, spillt mat a gewannt Präiser

videogames.lu ass stolz senge Memberen d'Modern Warfare 3 FFA Online Turnéier virstellen ze kënnen. An Kooperatioun mat dem Videosspillgeschäft "Player One" aus der Stad organiséiere mär en MW3 Turnéier fir all dräi Plattformen (PC, Xbox 360, PS3). Si sinn esou grousszügeg eis d'Präiser ze spendéieren, dat heescht Akaafsbongen fir an de "Player One". Desto méi Leit matmaachen desto méi grouss falen dës Präiser aus. En Bong vu 50 Euro fir den Gewënner vum Turnéier ass absolut realistesch.

Fir méi Informatiounen oder wann där iech umelle wëllt, kuckt iech einfach eisen Umellungsthread un. Wann där bei der Organisatioun vum Turnéier mat hëllefe wëllt oder einfach nach Froen hutt, kënnt där dat an eisem Diskussiounsthread maachen.

Mär wëlle wierklech dofir suergen dass aus dësem Turnéier eppes Eemoleges an der lëtzebuergescher Gaminglandschaft gëtt, mä dofir maache mär är Hëllef. Erzielt äre Kollegen dovunner, egal op iwwert Facebook, Xbox Live, PSN, Ingame Chat oder einfach am "real life". Wann dëst Turnéier en Erfolleg gëtt da kommen der definitiv nach méi no an d'Präiser kënnen nëmme wuessen.

Där sidd gefrot, weist Lëtzebuerg dass Gaming an eisem klenge Land net nëmmen existéiert, mä och rockt :)